Investigashon di forsa laboral Hulanda Karibense
Bo tin trabou pagá óf bo ta buskando trabou? Óf por di se bo ta ku penshun kaba? Bo ta sigui un estudio na e momento aki? Kisas bo ta hasi trabou boluntario?
E tipo di preguntanan aki ta bin dilanti den e Investigashon di forsa laboral Hulanda Karibense. Un investigashon ku nos ta hasi un bia den dos aña na Boneiru, Sint Eustatius i Saba. E resultadonan di esaki ta suministrá informashon indispensabel pa entre otro organisashonnan di gobièrnu lokal ora nan ta traha plannan pa futuro.
Kon mi ta partisipá?
Bo a risibí un invitashon pa partisipá na e investigashon akí? Un kolaboradó di CBS ta bishitá bo na kas pa huntu yena e kuestionario.
Bo kier sa mas promé? Sigui lesa e ora ei.
Dikon ta hasi e investigashon aki?
Ku e investigashon aki nos ta kolektá sifranan riba entre otro nivelnan di empleo, akohida di mucha, i e nivel di edukashon na Boneiru, Sint Eustatius i Saba. E sifranan aki ta indispensabel pa formulá maneho riba e islanan.
Dikon mi a wòrdu skohí?
CBS a skohe arbitrariamente un kantidat di adrès di kua nos ta invitá e habitantenan di 15 aña i mas pa partisipá. E adrèsnan di e personanan ku nos invitá ta plamá riba kada isla. No por embolbí tur kas di famia den e investigashon. Bo partisipashon pa e motibu ei ta hopi importante: bo ta representá un gran kantidat di persona di bo isla.
Bo datonan ta seif
CBS ta atendé kouteloso ku bo datonan. Ta separá bo datonan personal for di bo kontestanan. Kon nos ta anda ku bo datonan bo por lesa riba e página di wèp: Privacy.
Kontakto
Bo kier tuma kontakto ku CBS? Yama nos ofisina na Boneiru libremente. E number di telefon ta +599 717 8676. Nos ta alkansabel di djaluna te ku djabièrnè entre 9or i 4or. Bo por manda un meil tambe pa caribischnederland@cbs.nl.
Un kolaboradó di CBS na porta?
Bo a risibí bishita di un kolaboradó di CBS? Klek e ora ei riba: Home Visits Caribbean Netherlands.