Inflashon ta subi na Boneiru i Saba i ta baha na Sint Eustatius

Den e di tres kuartal di 2026, produkto- i servisionan di konsumo na Boneiru tabata 5.9 porshento mas karu ku un aña promé. Den e di dos kuartal di 2026, inflashon tabata 3.3 porshento. Asina Ofisina Sentral di Estadístika (CBS) ta raportá a base di e Índise di preis di konsumidó (CPI) pa Hulanda Karibense.

Na Sint Eustatius, preisnan den e di tres kuartal di 2026 tabata 4.5 porshento mas haltu ku un aña promé. Den e di dos kuartal, inflashon tabata 5.2 porshento. Na Saba, inflashon tabata 5.2 porshento den e di tres kuartal. Den e di dos kuartal, esaki tabata 5.0 porshento.

Preisnan na Boneiru ta subi ku 1.6 porshento

Preisnan na Boneiru a subi ku 1,6 porshento den e di tres kuartal kompará ku e di dos kuartal di 2026. E oumento aki ta debí prinsipalmente na subida di 5,8 porshento den preis di transporte. Gasolin a bira 13 porshento mas karu i buelonan a bira 8.9 porshento mas karu.

Den e di tres kuartal, koriente a bira 15.2 porshento mas karu. E preis di awa, sinembargo, tabata mas abou ku un kuartal promé.

Preisnan na Sint Eustatius ta subi ku 0.2 porshento

Na Sint Eustatius, preisnan a subi ku 0.2 porshento den e di tres kuartal di 2026 kompará ku e di dos kuartal. Eoumento ta prinsipalmente pa motibu ku koriente a bira 15.2 porshento mas karu. Ademas, e preisdi paña i sapatu tambe a subi ku 4.4 porshento.

Preis di transporte, sinembargo, a baha ku 7.1 porshento kompará ku un kuartal anterior. Esaki ta debíprinsipalmente na bahada den prijs di buelo. Gasolin, di otro banda, a bira 10.5 porshento mas karu.

Preisnan na Saba ta subi ku 0.1 porshento

Na Saba, preisdi konsumidó a subi ku 0.1 porshento den e di tres kuartal kompará ku e di dos kuartal di 2026. Paña i sapatu, en partikular, a mira oumento di preis.

Preis di transporte a baha ku 6.7 porshento. Aki tambe esaki ta debí na bahada di preis di buelo. Ademas, preis di awa a baha. Danki na un areglo nobo di supsidio, preis di koriente a keda meskos.

Sifranan preliminario

E sifranan pa e di tres kuartal di 2026 ta preliminario i lo finalisá esakinan na momentu di publikashon di e sifranan pa e di kuater kuartal di 2026.