Na Hulanda Karibense, habitantenan di Sint Eustatius ta esnan mas satisfecho ku bida
Erratum:
Den e teksto bou di e suptema ‘Habitantenan di Sint Eustatius mas satisfecho ku Entidat Públiko’ den e frase‘Na Boneiru, un kuart di e habitantenan ta (hopi) satisfecho ku e Entidat Públiko, na Sint Eustatius mas ku mitar (54 porshento), i na Saba 28 porshento.’ e porsentahe riba Saba a wòrdu ahusta na 38 porshento. E tabata mustra korektamente den e grafiko.
Habitantenan di Sint Eustatius ta duna nan felisidat i otro aspekto di satisfakshon di bida un puntuashon mas haltu ku habitantenan di Boneiru i Saba. Na Sint Eustatius, 60 porshento di habitante ta indiká ku bida diario a mehorá òf a mehorá signifikantemente durante e último sinku (5) aña. Sinembargo, bida no a mehorá pa tur habitante: na Saba, 45 porshento ta indiká ku bida diario a deteriorá òf a deteriorá signifikantemente. Na Boneiru e sifra ei ta 29 porshento, i na Sint Eustatius 8 porshento. Esaki ta resultá for di e sifranan mas resien riba satisfakshon, felisidat i konfiansa den Hulanda Karibense di Centraal Bureau voor de Statistiek (CBS).
Habitantenan di Boneiru, Sint Eustatius i Saba ta duna nan felisidat un puntuashon entre 8.0 i 8.5. E puntuashonnan pa e sup-aspektonan di satisfakshon ta varia entre 7.2 i 8.4. Na Sint Eustatius, e habitantenan ta mas satisfecho ku nan situashon finansiero na 2025 ku na 2021. Riba otro elementonan di satisfakshon, e puntuashonnan ta komparabel den e dos (2) añanan aki. Na Boneiru i Saba, no tin kambio den e puntuashonnan pa felisidat i satisfakshon entre 2021 i 2025.
| Geluk of tevredenheid | Boneiru (puntuashon promedio) | Sint Eustatius (puntuashon promedio) | Saba (puntuashon promedio) |
|---|---|---|---|
| Felis | 8.0 | 8.5 | 8.2 |
| Satisfecho ku bida | 7.9 | 8.4 | 8.2 |
| Satisfecho ku oportunidatnan edukativo | 7.5 | 7.7 | 7.5 |
| satisfecho ku trabou òf aktividatnan diario | 7.8 | 8.2 | 7.8 |
| Satisfecho ku situashon finansiero | 7.4 | 7.6 | 7.2 |
| 1)ekspresá komo un puntuashon di 1 pa 10, hende di 15 aña òf mas. | |||
Mayoria persona bibando na Sint Eustatius ta mira mehorashon den nan bida
Riba e pregunta si bida diario pa hende riba e isla kaminda nan ta biba a mehorá, deteriorá, òf a keda meskos durante e último sinku (5) añanan, 60 porshento di e habitantenan di Sint Eustatius a kontestá ku bida diario a mehorá (signifikantemente). Esei ta mas ku na Boneiru (37 porshento) i Saba (33 porshento).
Na Saba, 45 porshento ta bisa ku bida diario a bai atras (signifikantemente). Na Boneiru, esaki ta 29 porshento, i na Sint Eustatius, 8 porshento. CBS no a investigá dikon hende ta kere ku bida diario a mehorá òf a bai atras.
| Eiland | Mehorá grandemente (% di persona15 aña òf mas) | Mehorá (% di persona15 aña òf mas) | No mihó/ no pió (% di persona15 aña òf mas) | Deteriorá (% di persona15 aña òf mas) | Deteriorá grandemente (% di persona15 aña òf mas) |
|---|---|---|---|---|---|
| Boneiru | 3.1 | 33.5 | 34.1 | 25 | 4.3 |
| Sint Eustatius | 4.5 | 55.3 | 32.5 | 7.2 | 0.4 |
| Saba | 0.3 | 32.4 | 22.7 | 19.7 | 24.9 |
Habitantenan di Sint Eustatius mas satisfecho ku Entidat Públiko
E enkuesta tambe a trata kon satisfecho e habitantenan ta ku Entidat Públiko. Esaki ta e gobièrnu lokal, inkluyendo e atministrashon di e isla. Na Boneiru, un kuart di e habitantenan ta (hopi) satisfecho ku e Entidat Públiko, na Sint Eustatius mas ku mitar (54 porshento), i na Saba 38 porshento.
Na Boneiru, un tersera parti ta (hopi) malkontentu ku gobièrnu lokal. Na Sint Eustatius, esaki ta 10 porshento, i riba Saba, 27 porshento. Habitantenan di Sint Eustatius ta esnan mas satisfecho ku funshonamentu di e Entidat Públiko, i habitantenan di Boneiru esnan ménos satisfecho.
| Eiland | Hopi satisfecho (% di persona di 15 aña òf mas) | Satisfecho (% di persona di 15 aña òf mas) | Ni satisfecho ni malkontentu (% di persona di 15 aña òf mas) | Malkontentu (% di persona di 15 aña òf mas) | Hopi malkontentu (% di persona di 15 aña òf mas) |
|---|---|---|---|---|---|
| Boneiru | 0.9 | 24.7 | 40.7 | 27 | 6.7 |
| Sint Eustatius | 6.9 | 46.6 | 36.9 | 8.3 | 1.3 |
| Saba | 5.4 | 32.7 | 35.0 | 18.9 | 7.9 |
| 1)Atministrashon insular, gobièrnu lokal | |||||
Hendenan na Boneiru i Saba ta ménos satisfecho ku Gobièrnu di Reino kompará ku hendenan di Sint Eustatius.
Tambe a hasi pregunta tokante funshonamentu di Gobièrnu di Reino, manera Rijksdienst Caribisch Nederland. Habitantenan di Sint Eustatius mayoria biaha ta (hopi) satisfecho, i habitantenan di Boneiru i Saba ménos. Pueblo riba e dos islanan aki mas biaha ta malkontentu òf hopi malkontentu ku Gobièrnu di Reino. Riba tur tres isla, alrededor di 38 porshento no ta satisfecho ni malkontentu ku esaki.
| Eiland | Hopi satisfecho (% di hende di 15 aña òf mas) | Satisfecho (% di hende di 15 aña òf mas) | Ni satisfecho ni malkontentu (% di hende di 15 aña òf mas) | Malkontentu (% di hende di 15 aña òf mas) | Hopi malkontentu (% di hende di 15 aña òf mas) |
|---|---|---|---|---|---|
| Boneiru | 2.2 | 40.6 | 39.3 | 14.9 | 3.0 |
| Sint Eustatius | 4.9 | 46.3 | 39.1 | 8.0 | 1.6 |
| Saba | 2.2 | 39.4 | 37.1 | 14.0 | 7.3 |
| 1)Por ehèmpel Rijksdienst Caribisch Nederland | |||||
Sources
Related items
- Dossier - Caribisch Nederland