Kasi tres kuart di e habitantenan di Boneiru ta satisfecho ku oferta kultural
54 Porshento di e habitantenan di Boneiru a bishitá un presentashon òf espektákulo kultural den 2025. Na Sint Eustatius esei tabata 41 porshento i na Saba 26 porshento. Mas òf ménos 2 di kada 10 habitante di Saba i Boneiru a bai biblioteka por lo ménos un biaha den e último 12 lunanan. Na Sint Eustatius esaki tabata 1 di kada 10 habitante. Esaki ta resultá for di e sifranan mas resien di Centraal Bureau voor de Statistiek (CBS).
| Eiland | Presentashon òf espektákulo (% di persona di 15 aña òf mas) | Biblioteka (% di persona di 15 aña òf mas) | Museo (% di persona di 15 aña òf mas) |
|---|---|---|---|
| Boneiru | 54 | 19 | 17 |
| Sint Eustatius | 41 | 9 | 5 |
| Saba | 26 | 22 | 14 |
Mitar di e bishitantenan di biblioteka ta bini pa fia buki
Mas o ménos mitar di tur hende ku bishitá biblioteka, ta bini pa fia buki: 54 porshento di e habitantenan di Boneiru i 46 porshento di e habitantenan di Sint Eustatius. Na Sint Eustatius práktikamente mes tantu hende ta bishitá biblioteka pa un enkuentro òf charla, ku pa fia buki. Na Boneiru 28 porshento ta bai biblioteka pa un enkuentro òf charla. Aktividatnan kultural i topa hende ta otro motibunan pa bai biblioteka.
| Eiland | Fia buki, buki elektóniko, buki di oudio (% di persona di 15 aña òf mas) | Enkuentro òf charla (% di persona di 15 aña òf mas) | Aktividat kultural (% di persona di 15 aña òf mas) | Topa otro hende (% di persona di 15 aña òf mas) |
|---|---|---|---|---|
| Boneiru | 54 | 28 | 23 | 21 |
| Sint Eustatius | 46 | 44 | 7 | 14 |
| 1)Mas ku un kontesta ta posibel, No tin sifra di Saba, pasobra e kantidat di esnan entrevistá na Saba ku a bishitá bibilioteka ta muchu abou. | ||||
Muzik tradishonal òf karibense den kombinashon ku baile ta mas popular
Di tur presentashon òf espektákulo, un presentashon òf festival ku muzik i baile tradishonal òf karibense tabata mas popular riba tur isla. Di e habitantenan di Boneiru, Sint Eustatius i Saba respektivamente 35 porshento, 28 porshento i 14 porshento a bishitá un presentashon asina aña pasá. 12 Porshento di e habitantenan a bishitá un presentashon teatral òf ‘musical’ i entre 3 i 18 porshento a bai un presentashon di baile. Ta posibel ku a bishitá e presentashonnan akí pafó di e propio isla tambe.
| Eiland | Muzik/baile tradishonal òf karibense (% di persona di 15 aña òf mas) | Presentashon di baile (% di persona di 15 aña òf mas) | Presentashon teatral òf musikal (% di persona di 15 aña òf mas) | Konsierto di pòp (% di persona di 15 aña òf mas) |
|---|---|---|---|---|
| Boneiru | 35 | 18 | 12 | 8 |
| Sint Eustatius | 28 | 14 | 12 | 3 |
| Saba | 14 | 3 | 12 | 3 |
| 1)Mas ku un kontesta ta posibel. 7 diferente presentashon-i espektákulonan a keda puntrá. Esaki por ta tambe riba un otro isla òf otro pais | ||||
Personanan ku no a bishitá un konsierto òf otro presentashon frekuentemente, a duna prinsipalmente komo motibu, ku nan no ta gusta hasi esei. E oferta di aktividatnan kultural òf nan preis, práktikamente no a hunga ningun ròl den e eskoho akí.
Weganan ta popular
70 porshento di e habitantenan di Boneiru a praktiká un hòbi den e último 12 lunanan. Na Sint Eustatius esei tabata 57 porshento i na Saba 48 porshento. Di e hòbinan ku a menshoná, weganan riba telefòn òf kòmpiuter di wega tabata mas popular, partikularmente na Boneiru i Saba. Ta praktiká otro hòbinan manera pinta, toka músika, baila i kanta ménos frekuente.
| Eiland | Hunga wega, por ehèmpel riba telefòn/kòmpiuter di wega (% di persona di 15 aña òf mas ) | Dibuhá i punta, trabou gráfiko (% di persona di 15 aña òf mas ) | Toka músika (% di persona di 15 aña òf mas ) | Balia (% di persona di 15 aña òf mas ) | Kanta (% di persona di 15 aña òf mas ) |
|---|---|---|---|---|---|
| Boneiru | 29.8 | 12.2 | 9.8 | 8.8 | 8.0 |
| Sint Eustatius | 14.1 | 7.7 | 5.0 | 3.7 | 9.7 |
| Saba | 23.1 | 10.3 | 6.2 | 7.9 | 9.8 |
| 1)Mas ku un kontesta ta posibel. 10 diferente hòbi a keda puntrá. | |||||
Habitantenan di Saba ta ménos satisfecho ku e oferta kultural
Kasi tres kuart di e habitantenan di Boneiru ta bisa di ta kontentu ku e oferta kultural riba e isla. Riba e otro islanan esei tabata ménos; 50 porshento di e habitantenan di Sint Eustatius ta kontentu ku e oferta; na Saba esei ta 38 porshento. E oferta kultural na Sint Eustatius i Saba ta ménos tambe ku na Boneiru.
Splikashon
Den e Enkuesta di Omnibus Hulanda Karibense a puntra na kua aktividatnan kultural habitantenan a partisipá, kua konsierto i presentashon nan a bishitá den nan tempu liber, i kua hòbi nan a praktiká. Esaki por ta riba e isla òf pafó di e isla. A ehekutá e investigashon den e di dos mitar di 2025 i na komienso di 2026.