Inflashon ta subi na Hulanda Karibense

Preis na Boneiru ta subi 3,4 porshento

Preis na Boneiru a subi ku 3,4 porshento den e promé kuartal di 2026 kompará ku e di kuater kuartal di 2025. Esaki a wòrdu kousá prinsipalmente pa un promedio di oumento di 10,6 porshento den preis di bibienda, awa, i energia. Por ehèmpel, suministro di awa i koriente ta 36,6 i 29,3 porshento mas karu, respektivamente. Esaki ta debí na un redukshon den subsidio di awa potabel i energía, loke a trese un oumento di e tarifa fiho pa ambos servisio. Tarifanan variabel pa suministro di awa i koriente tambe a oumentá e kuartal aki.

Produkto i servisio relashoná ku salú a bira 13,1 porshento mas karu den e promé kuartal. Transporte aereo di pasahero tambe a bira mas karu. Paña i sapatu, sinembargo, a bira 1,9 porshento mas barata. Gasolin a bira 4,6 porshento mas barata.

Preis na Sint Eustatius 2,1 porshento mas haltu

Na Sint Eustatius, preis di konsumidó a subi ku 2,1 porshento den e promé kuartal kompará ku e di kuater kuartal di 2025. Meskos ku na Boneiru, esaki tabata prinsipalmente debí na bibienda, awa i energía mas karu. Gastunan di koriente a subi ku 16,1 porshento debí na kambionan den supsidio di energía i un tarifa di koriente variabel mas haltu. E preis di suministro di awa a subi ku 12,9 porshento. E tarifa variabel a subi, pero e tarifa fiho a wòrdu subsidiá kompletamente desde e promé kwartal.

Kombustibel sólido i líkido tambe ta 17 porshento mas karu. E preis di paña i sapatu a baha ku 2,2 porshento.

Preis tambe tasubi na Saba

Na Saba, preis a subi ku 2,6 porshento den e promé kuartal di 2026 kompará ku e di kuater kuartal di 2025. Meskos ku na Boneiru i Sint Eustatius, esaki tabata prinsipalmente debí na preis mas haltu pa bibienda, awa, i energía. Preis di koriente a subi ku 38,8 porshento. Tantu e tarifa fiho komo esun variabel a oumentá. E preis di suministro di awa tambe a subi. Meskos ku na Boneiru i Sint Eustatius, e preis di paña i sapatu a baha kompará ku e kuartal anterior, na Saba ku 1,5 porshento.