Komparashon di preis na Karibe Hulandes ta un refleho di tres isla uniko
“Bo por manehá un pais solamente si bo konosé e sifranan”, esei ta e lema di ofisina sentral di estadistiká (CBS). Esaki ta konta tambe pa Karibe Hulandes ku ta konsistí di e islanan di Boneiru, Sint Eustatius i Saba.
10-10-10, Karibe Hulandes
Riba 10 di òktober 2010 Hulanda ta tuma un parti di e responsabilidatnan gubernamental over i CBS ta responsabel pa programa di estadistika na e islanan. Boneiru, Saba i Sint-Eustatius ta úniko i tin variashon riba diferente tereno. Entrante otro aña esaki lo keda ilustrá den entre otro estadistikanan di poblashon.
Saba e isla mas karu
E promé estadistika di CBS ku awor ta keda publiká di Karibe Hulandes den kuadro di dia mundial di estadistika ta estadistika di preisnan di konsumidó di Saba i St.Eustatius den komparashon ku Boneiru. E preis promedio di kompra diario i otro gastunan di unidat domestikó na Saba ta ocho porshentu mas haltu ku na Boneiru. Na Sint-Eustatius esaki ta dos porshentu mas haltu ku Boneiru.
E kategorianan di gastu ku ta aportá mas grandi na e diferensia di preis entre Saba i Boneiru ta pa mantenshon i reparashon na bibienda, awa i energia, alimento i bibidanan no-alkóholiko.Remarkabel ta tambe e diferensia di preis di bibidanan alkohóliko i tabako kaminda kontrali na Saba i Sint-Eustius, na Boneiru si ta kobra akseins pa e produktonan aki.
Nivel di preis relativo na Saba i Sint-Eustatius kompará ku Boneiru
Informashon adishonal i kompilashon di estadistika
E estadistika di nivel di preis relativo di konsumidó a bira un realidat ku mandato di CBS Antia Hulandes ku koperashon di ofisina di Boneiru ku for di 10 di oktober 2010 ta parti di CBS. E investigashon aki den Karibe Hulandes a keda realisá segun palabrashon hasí entre Minister di asuntunan sosial i di labor SZW i e islanan di Saba i Sint-Eustatius, pa basá riba e sondeo aki responsabilisá e posibilidat pa introdusí un kompensashon relashoná ku e diferensia di preis entre Boneiru, Saba i Sint-Eustatius.
Pa kompilá e estadistikanan aki pa Boneiru, Saba i Sint-Eustatius a traha un pakete di konsumo similar i durante e periodo di mei te ku september 2010 a kompará preis di mas ku 4250 produkto ku otro na e tres islanan. A bishitá entre otro supermerkado, panaderia, pomp di gasolin, salon di beyesa, negoshinan den sektor di tursimo i notarionan pa realisá esaki. Parti di e informashon pa Saba i Sint-Eustatius ta prosedente di kompanianan di utilidat i telekomunikashon na Sint-Maarten. E metodo ku a usa pa stipulá e nivel di preis ta igual ku e programa di forsa di kompra Europeo. Esaki ta un programa kaminda empleadonan di CBS ta kompará preis di 37 pais Europeo ku otro.
Arthur Giesberts, Peter Hein van Mulligen en Gert-Jan van Steeg