Durante e di tres kuartal di 2011 inflashon a oumentá na St. Eustatius ku 11,2 porshentu. Na Boneiru tambe inflashon a oumentá ku 5,9 porshentu kompará ku e kuartal anterior. Ku 6,6 porshentu e inflashon na Saba a baha un poko durante e di tres kuartal.
Preisnan di energia i di rekreashon i kultura a oumentá e inflashon na St. Eustatius
E inflashon na St. Eustatius durante e di tres kuartal tabata 11,2 porshentu. Esaki tabata durante e di dos kuartal ainda 10,5 porshentu. E inflashon haltu ta konsekuensia di e desaroyonan di e preis di gas i koriente. Tantu gas komo koriente a resultá hopi mas karu ku un aña promé. Esaki tambe tabata e kaso durante e di dos kuartal, pero e diferensia a bira mas grandi durante e di tres kuartal.
E preisnan di rekreashon i kultura tambe a kontribuí na oumentu di inflashon. Entre otro produktonan pa bestianan di kas i materialnan pa skirbi a bira mas karu.
Inflashon Sint Eustatius
Preisnan karu di komestibel ta konsekuensia di Inflashon na Boneiru
Inflashon a oumentá na Boneiru ku 5,0 porshentu durante e di dos kuartal te 5,9 porshentu durante e di tres kuartal. E oumentu ta prinsipalmente pa motibu di preisnan haltu di komestibel. Kompará ku un aña promé, e preisnan di komestibel i bebidanan no alkohóliko durante e di tres kuartal tabata promedio 10,6 porshentu mas karu. E desaroyo di preis den e grupo di mantenimiento i reparashon di kas, awa i koriente tambe a kontribuí na oumentu di inflashon, esaki debí na un redukshon fuerte di e preisnan di koriente durante e di tres kuartal di 2010 ku awor a ser elaborá.
Inflashon Bonaire
Redukshon leve di inflashon na Saba
E inflashon na Saba durante e di tres kuartal tabata 6,6 porshentu. Esaki ta un redukshon leve kompará ku e di dos kuartal. E tempu ei e inflashon tabata 6,9 porshentu. E redukshon ta pa motibu di e desaroyonan den e preisnan di pasashi. Un oumentu fuerte di preis durante e di tres kuartal di aña pasa a ser elaborá awor.
Komestibel, al kontrario tabatin un efekto di oumento riba e inflashon. E komestibelnan i bibidanan no alkohóliko a resultá promedio 10 porshentu mas karu kompará ku un aña promé. Durante e di dos kuartal esaki ainda tabata kasi 7 porshentu.
Inflashon Saba
Ahuste
Algun di e sifranan durante e di dos kuartal di 2011 a keda ahustá kompará ku e publikashon anterior komo konsekuensia di informashonnan risibí despues. E sifranan aki awor ta definitivo. E sifranan di e di tres kuartal 2011 ta sifranan preliminar i lo duna e sifranan eksakto na momentu di publikashon di e desaroyonan di e di kuater kuartal.
Fuente: StatLine, Inflashon Karibe Hulandes
