Den Hulanda Karibense tin mas ku 21 mil persona ta biba. E poblashon di Bonaire ta konsistí di 15700 persona, esun di Sint-Eustatius di 3600 persona i esun di Saba di 1800 persona.
E kantidat di habitante ta mas di loke a pensa
For di 10 diòktober 2010 e islanan di Hulanda Karibense a bira parti di Hulanda. Promé nan tabata forma parti di Antia Hulandes. For di investigashon nobo a resultá ku e kantidat di habitante di Hulanda Karibenseta 2.7 mil mas haltu ku loke a asumí.
Pa loke ta trata e superfisie i e kantidat di habitante na e islanan di Hulanda Karibense, nan tin algu paresido na Waddeneilanden. Bonaire ta mas òf ménos dos biaha mas grandi ku Texel i tin 10 porshentu mas di habitante. Sint-Eustatius i Saba huntu ta mes grandi ku Vlieland i huntu nan tin 4 biaha mas tantu habitante. E dos islanan aki tin un densidat di poblashon mas haltu ku Bonaire.
Un di kada dies habitante a nase na Hulanda
Mayoria di e habitantenan di Hulanda Karibensea nase na un di e islanan ku anterior tabata forma parti di Antia Hulandes. Serka gran mayoria di e kasonan ta e mesun isla kaminda nan ta bibá awor òf un isla den bisindario. Dor ku e islanan di Hulanda Karibenseta ofresé fasilidatnan médiko limitá pa nasementu, hopi biaha ta bai un di e islanan mas grandi, manera SintMaarten, pa parto.
E relashon speshal ku Hulanda ta resultá for di e echo ku 10 di e habitantenan a nase na Hulanda. Banda di esaki tin hopi habitante for di Suramérika i Sentroamérika. Ademas
Sint-Eustatius i Saba tin hopi habitante di Estados Unidos i Canada.
Pais di nasementu di habitantenan di Hulanda Karibense, 2011
Saba tin e poblashon mas hóben
E repartishon di edat di e poblashon di Hulanda Karibenseno ta desviá muchu for di esun di Hulanda. E islanan ta konsistí di mas persona di entre 25 pa 55 aña i ménos persona di 60 aña òf mas grandi.
Struktura di edat poblashon Hulanda i Hullanda Karibense, 2011
E struktura di edat di Bonaire i esun di Sint-Eustatius apénas ta diferensiá di otro. Sinembargo Saba tin un poblashon mas hóben. E kantidat haltu di hóben riba e isla aki tin di haber ku e presensia di un instansiadi enseñansa ku ta duna edukashon akadémiko.
Frank van der Linden
Fuentenan:
• StatLine, Poblashon Karibe Hulandes (1 yanüari); sekso, edat
• StatLine, Struktura di Edat Karibe Hulandes
